Vinnar av konkurransen, rullegenser og ny konkurranse

Takk for alle bidrag i konkurransen. Det kom inn  105 forslag til nye garnfargar på kommentar og e-post. Nokre av forslaga har eg tenkt på, men mange var heilt nye. No er det altså slik at eg ikkje kan gå ut og sei kva fargar me kjem med til hausten for det er jo litt hemmeleg enn så lenge. Vinnaren som er trekt ut frå alle kommentarane er :

Solfrid Bjørkelid sa...

Jeg savner brun silkeull...

10. januar 2011 13:17

Gratulerer til deg, Solfrid! sender du meg di adresse på kathrine@nostebarn.no skal eg sende garnet til deg!

Det er slik at det er ein del ting me må ta hensyn til når me skal velje farge:

• Silkeull er ofte gul i seg sjølv, så dersom me vel for lyse fargar kan dei sjå skitne ut.
• Melert kan me ikkje få i 3-tråds fordi me ikkje sel stor nok mengde av 3-tråds i forhald til 2-tråds. Så anten må de legge 2-tråds dobbelt eller kjøpe meir av 3-tråds ;-)
• Fargane skal harmonere med resten av kolleksjonen til Nøstebarn. Slik at ein til dømes kan strikke genser som passar ei kjøpt ribbukse.
• Nokre fargar vil me ikkje ta inn fordi dei ikkje kan lage fargen uten bruk av tungmetall. (derfor har Nøstebarn "Breblå" og ikkje knall Turkis.)
• Fleirfarga garn eller regnbogegarn har ikkje spinneriet maskinar til å lage.
• Ser at mange ynskjer fleire fargar i Silkeull. Det skal me få, men me kan dessverre ikkje ha like mange som i Merinoull.
• Og så til det punktet som kanskje verst: Skal nokre fargar inn, må andre ut. Dette på grunn av plass på lager og i butikkar. I det siste har me lurt oss litt unna dette fordi me har tatt fargar vekk frå 3-tråds, men latt den vere i 2-tråds. Det er forferdeleg vanskeleg å ta fargar ut. Me går ut frå salstatistikkane når me tar vekk fargar. Dei som sel dårleg kan me ikkje forsvare å ha.

Sidan det ikkje var nokon som sendte meg bilete denne veka tar eg med bilete av Rullegenser (oppskrift 1931 og Strikk til nøstebarn). Eg veit ikkje kor mange eg har strikka. Den er fin både som einsfarga og stripete, til gut og jente. Er veldig glad i tynne gensrar til ungane: Greie å ha inne, supre og ikkje klumpete under jakkar/dress og gode året rundt. Heilt enkel som eg liker det og akkurat nok dekor med knappeopninga i halsen.



Denne Rullegensaren er strikka av svigermor og er med striper i 6 omg i fargane 54 Jeansblå og 41 Syrin. Knappane er i perlemor og Mørk rosa. Takk til Ella som er modell.

Foto: Tove Breistein
Dette biletet er frå Strikk til nøstebarn og her er Rullegenseren strikka i striper med 2 omg eller 6 omg og nedst til venstre strikka i restegarn. Denne gensaren er strikka av niesa mi som fekk ein pose med restegarn tilsendt og beskjed om å strikke ein restegenser. Genseren er veldig fin i fargekombinasjonen og her ser ein klart kor fint det blir å ta inn den "sure fargen" som eg skreiv litt om i innlegget Om striper og fargar .

Så var det tid for NY KONKURRANSE:
Denne veka kan du vinne eit drøyt kilo med 3-tråds merinoull og her er bilete av garnpakken:

Spørsmålet eg gjerne vil ha svar på denne veka er:
Kva strikkar/syr/heklar du på no?
Post ein kommentar på dette innlegget og du er med i trekninga!

Så ynskjer eg alle ei fin veke!